د تدريسي روغتون ریاست

       سپین غر مومند پنځوس بستریز معالجوي او تدريسي روغتون، چې د هېواد په ختیځ کې د سپین غر پوهنتون تدريسي روغتون دی،   په ۱۳۸۸ هـ ش کال کې یې فعالیت پیل کړی او تر اوسه یې د

       معالجوي، تدريسي او تخصصي خدمتونو په وړاندې کولو کې مهم رول ترسره کړی دی.اوسمهال روغتون د عمومي داخله، جراحي، کوچنیانو، نسایي ولادي، انتاني، توبرکلوز، فزیوتراپي، سترګو، غوږ، پوزې او  ستوني، جلدي، عقلي او عصبي، ستوماتولوژۍ، زړه ناروغيو تخصصي څانګې او معياري تشخيصيه لابراتوار په ګډون بېلابېلې څانګې لري.  دمجربو متخصصینو او مجهزو طبي وسایلو په مرسته د ناروغیو  دقیق تشخیص او اغېزمنه درملنه کوي.

        یاد روغتون له نږدې پنځلس کلونو راهیسې د ښه شهرت او ولسي باور څښتن دی. د روغتون مشرتابه او کارکوونکي د باکیفیته خدمتونو او د محصلانو لپاره د عملي زده کړو د مناسب چاپېریال برابرولو ته ژمن دي.

د بست د دندو لایحه:

1.        د پوهنتون او  روغتون د ستراتېژیک کلني تطبیقي پلان په رڼا کې کلنی کاري پلان ترتیبول.

2.        د ستراتېژیک کلني تطبیقي پلان په رڼا  کې د عملیاتي او انکشافي پلانونو د ترتیب چارې رهبري کول.

3.        د روغتون لپاره پنځه کلن ستراتېژیک پلان د تدوين، تطبیق او ارزونې اړوند چارې رهبري کول.

4.        د روغتون د پنځه کلن مالي پلان او پنځه کلنې بودیجې د ترتیبولو چارې رهبري کول.

5.        د عامې روغتیا، لوړو زده کړو وزارتونو او نورو ولايتي ادارو پر وړاندې د روغتون غوره استازیتوب کول.

6.        د روغتون د اداري/رهبرۍ شورا د جلساتو رهبري ترسره کول او د پوهنتون په علمي شورا کې ګډون کول.

7.        د روغتون د معالجوي، تدریسي، تشخیصیه، اداري او مالي چارو څخه نظارت ترسره کول.

8.        د عامې روغتیا د (MRS) او لوړو زده کړو وزارت د کیفیت لوړونې او ساتنې معیارونو تعقیبول او تطبیقول.

9.        په هېواد کې د عامې روغتيا وزارت له خوا د روغتونونو درجه بندۍ لپاره ټاکل شوي معيارونه تطبیقول او په دې لړ کې لوړ کاري اهداف ترلاسه کول.

10.      د طبي او اداري کارکوونکو تقرر، ترفیع او انفکاک په هکله لازم اجرأت ترسره کول.

11.      د طبي او اداري کارکوونکو د ورځنۍ حاضرۍ څخه په دوامدار ډول نظارت ترسره کول.

12.      په تدریسي، اداري او مالي چارو کې د سپین غر پوهنتون او تدریسي روغتون ترمنځ کاري اړيکې ساتل او پياوړي کول.

13.      د معالجینو او متخصصینو د څېړنو د ترسراوي، نشر، ملي او نړیوالو کنفرانسونو کې د ګډون زمینه سازي کول.

14.      په معالجوي، تدریسي او اداري برخو کې د کارکوونکو ظرفیت لوړونې ته ځانګړې پاملرنه کول.

15.      د هېواد په داخل او بهر کې د معالجوي، تدریسي، تخصصي  روغتونونو او روغتيايي مرکزونو سره د اړیکو ايجاد او پراختيا.

16.      د روغتون د طبي او اداري کارکوونکو د مکافاتو اومجازاتو په برخه کې اړین اجرأت ترسره کول.

17.      د روغتون لپاره د عامې روغتیا وزارت او لوړو زده کړو وزارت د ټاکل شویو کمېټو د چارو څخه څارنه ترسره کول.

18.      د صنفي او نهایي ستاژ محصلانو د عملي کارونو لپاره د اړینو سهولتونو ایجاد او څارنه ترسره کول.

19.      په معالجوي او تشخیصیه برخو کې د نوکریوالۍ سیستم څخه دوامداره څارنه ترسره کول.

20.      د معالجوي، تدریسي، اداري او مالي برخو لپاره د پالېسیانو، کړنلارو او پروسیجرونو رامنځته کول او تطبیقول.

21.      د روغتون د عوایدو د زیاتوالي او غير ضروري لګښتونو کنټرول لپاره د پوهنتون اداري شورا ته وړانديزونه سپارل.

22.      په تدریسي، معالجوي او اداري برخو کې د نظم او انظباط رامنځته کول او څارنه ترسره کول.

23.      په روغتون کې د هر ډول فساد، غفلت، بې نظمۍ او حقوقو ضياع مخنيوی کول او د اسلامي ارزښتونو رعايت ته جدي پاملرنه کول.

24.      د روغتون د خدماتو د پراختیا، کار کوونکو، ناروغانو او ناروغ لرونکو رضایت لوړولو لپاره د اړینو اجرأتو ترسره کول.

25.      په تشخیصیه، فارمیسي او اداري برخو کې د عملیاتي مصارفو د کنټرول په موخه دوامداره څارنې ترسره کول.

26.      د روغتون د ډیټابېس سیستم د کارونې او عامې روغتیا وزارت ته د (HMIS) راپورونو کتنه او په ټاکلو وختونو کې له پوهنتون او اړوندو بهرنيو ادارو سره شريکول.

27.       د روغتون د سرطبابت، اداري کارکوونکو، مالي او حسابي چارو مدیریتونو څخه نظارت ترسره کول.

28.      د عامې روغتيا وزارت، د لوړو زده کړو وزارت، د افغانستان طبي شورا او پوهنتون له خوا ترسره کېدونکو ارزونو کې د روغتون د ارزونو رهبري کول.

29.      د پوهنتون علمي شورا ته  د روغتون د رئيس په توګه د خپل کاري پلان ربعوار او کلني راپورونه وړاندې کول.

30.      د پوهنتون علمي شورا ته د روغتون د کلني عملياتي او انکشافي پلانونو د تطبیق ربعوار او کلني راپورونه وړاندې کول.

31.      د پوهنتون  د داخلي پلټنې کمېټې مسؤلينو سره د روغتون د اختصاصي پلټنو پر مهال همکاري کول.

32.     نورې هغه دندې ترسره کول چې د عامې روغتيا وزارت، لوړو زده کړو وزارت، افغانستان طبي شورا او د پوهنتون علمي شورا له خوا د روغتون رئيس ته سپارل کيږي.

د تحصيل کچه، کاري ځانګړتياوې او مهارتونه

1.       ايم ډي او ماسټرۍ څخه د فراغت تائيد شوي سندونه يا ايم ډي او تخصص څخه د فراغت تائيد شوي سندونه درلودل.

2.       د تحصيلي درجې ترڅنګ د روغتون په رهبرۍ او مديريت برخو کې په پرلپسې توګه لږ تر لږه څلور کلنه کاري تجربه درلودل.

3.       د ايم ډي تحصيلي دورې د نمرو عمومي فیصدي باید له (۷۵) او د ماسټرۍ تحصیلي دورې باید له (۸۰) سلنه څخه کمه نه وي.

4.       د افغانستان طبي شورا څخه د فعاليت جواز درلودونکی وي.

5.       په علمي، تدريسي او څېړنیزو برخو کې مناسبه تجربه ولري.

6.       په تدریسي روغتون کې د  صنفي ستاژ، نهایي ستاژ، تخصص، طبي  وسایلو کارونې او تطبیقاتو په برخو کې کافي مسلکي پوهه او تجربه ولري.

7.       د ستراتېژیک پلان د جوړونې، پالېسيانو، میکانیزمونو او پروسیجرونو د انکشاف وړتياوې لرل.

8.       د روغتيايي معلوماتو د ثبت سیستم (HMIS) تطبيق او د کارونې په برخه کې تجربه درلودل.

9.       د ناروغ او ناروغ لرونکو سره رامنځته کېدونکو شخړو مديريت کې تجربه درلودل.

10.    لږ تر لږه دوه نشر شوې علمي څېړنیزې مقالې درلودل.

11.    په اداري چارو کې د کمپيوټر کارونې ټول اړين مهارتونه لرل.

12.    په اداري فساد، اخلاقي جرمونو او جنایت محکوم شوی نه وي.

13.    د هر ډول  قومي، ژبني، سمتي، ډله ییز او سیاسي تعصبونو او تمايلاتو څخه پاک وي او باید ډډه ترې وکړي.

14.    په ملي (پښتو، دری) او انګلېسي ژبو د لیکلو او مفاهمې وړتیاوي ولري.

15.    په چارو کې شفافيت، د قوانينو، پالېسیانو، طرزالعملونو، تدريسي روغتون ارزښتونو او اداري اصولو ته ژمن وي.

16.    د لوړو زده کړو او عامې روغتيا وزارتونو د قوانینو، مقرراتو، لوایحو او معیارونو سره پوره بلدتیا ولري.

نوټ: د ګمارنې په پروسه کې د شارټ لېست شویو کاندیدانو څخه تحریري ازموینه نه اخیستل کیږي، یوازې به د پورته دندو لایحې د اړوند مواردو او د روغتون د راتلونکو اوږد مهاله انکشافي پلانونو، اهدافو او غوره فعالیتونو د ترسراوي سمینار وړاندې کوي او له سمينار وروسته به په عين جلسه کې د ټاکل شوي هیئت له لوري کاري مرکه اخیستل کیږي.

د غوښتنلیک د سپارلو لارښود:

سپين غر پوهنتون تدريسي روغتون يو تن د روغتون رئیس ته اړتيا لري. په شرایطو برابر نوماندان چې د شارټ لېست شرايط پوره کولای شي او په اړوند برخو کې کاري تجربه ولري، خپل خلص سوانح (سي وي) د دندې غوښتنلیک د تابعيت الکترونيکي تذکره او تحصيلي سندونه دې د روان ۱۴۰۵ لمریز کال سرطان میاشتې تر ۱۰مې نېټې پورې د لاندې برېښناليک له لارې سپين غر پوهنتون کار کوونکو چارو آمریت ته واستوي یا دې په حضوري توګه ورته وسپاري.

کاندیدان کولای شي د دندې غوښتنلیک له لاندې لینک څخه ترلاسه کړي.
https://www.spingharuniversity.edu.af/HR/JOB%20APPLICATION%20-%20SU-NGR.pdf