دندو لایحه:
1. د مدیریت د کلنیو عملیاتي او د اړتیا پر اساس د انکشافي پلانونو ترتیبول.
2. د عامې روغتيا وزارت د نافذه مقرراتو او معيارونو سره سم د درملو منظمه ساتنه، ترتيب، طبقه بندي او ذخيره کول.
3. درمل د کمیت، کیفیت، نوعيت، فارم، (Batch Number)، (Expiry Date) او د استعمال شرايطو له مخې په مناسبو الماريو کې تنظیمول
4. د FEFO (First Expired, First Out) او FIFO (First In, First Out) اصولو مطابق د درملو توزيع او مصرف تنظيمول.
5. د درملتون د خونې مناسب حرارت، رطوبت او تهويه په دوامداره توګه څارل او ثبتول.
6. د هغو درملو لپاره چې ځانګړي حرارتي شرايطو ته اړتيا لري، د يخچال او نورو ساتندويه وسايلو د فعاليت څارنه او ساتنه.
7. د حرارت درجې د غيرمعمولي بدلونونو په صورت کې سمدستي اړوند مسؤلين خبرول.
8. د درملتون د خونې پاکوالی، حفظ الصحه او منظم ترتيب ساتل.
9. د طبي او غيرطبي کثافاتو د تفکيک، راټولولو او خوندي دفعې په برخه کې د نافذه طرزالعملونو مراعت کول.
10. د درملو ضايعات او تاريخ تېر شوي درمل د روغتيايي اصولو سره سم جلا ساتل او د له منځه وړلو لپاره اړوندو مسؤلينو ته سپارل.
11. د درملو د ختمېدو نېټې په منظم ډول څارل او هره میاشت یې راپور د روغتون سرطبیب ته ورکول.
12. د درملو د کمبودۍ لپاره غوښتنلیکونه ترتیبول او د روغتون د اداري او کارکوونکو چارو مدیریت سره شریکول.
13. د درملو د موجودۍ، مصرف او احتمالي کمښت ورځني، اونیز، او میاشتیني راپورونو ترتیبول.
14. د اړتيا وړ درملو د بيا تهيې لپاره د روغتون سرطبیب سره وړانديزونه شريکول.
15. د روغتون ډاکټران او اړوند روغتيايي کارکوونکي د موجودو درملو له لېست څخه په منظم ډول خبرول.
16. فارمسي کې د نويو شامل شويو يا نادرو اقلامو په اړه اړوندو څانګو ته معلومات رسول.
17. د درملو د خوندي استعمال، دوز او موجوديت په اړه د اړوندو مسئولينو سره همغږي کول.
18. د عاجلو درملو المارۍ (Emergency Drug Cabinets) په منظم ډول ارزول.
19. فارمسي ته د درملو د راوړلو، وړلو، موجودۍ او مصرف اړوند ټول معلومات او اسناد په دقيق او منظم ډول په سېستم کې ثبت او او هار ډول دوسيو کې ساتل.
20. د درملو د مديريت، ذخيره کولو او ناروغ خوندیتوب په برخه کې د نويو پاليسيو او لارښوونو زده کړه او تطبيق.
21. د فارمسي په اړه د عامې روغتيا او لوړو زده کړو وزارتونو ټول نافذ قوانين، پاليسۍ، طرزالعملونه او لارښوونې مراعتول.
22. د ترلاسه شوو درملو کميت، کيفيت، بیچ نمبر او د ايکسپايري ارزول او ثبتول.
23. خپلې دندې پر وخت رسیدګي کول او د نوکریوالۍ ټاکل شوی مهالویش تعقیبول.
24. د خپلو کړنو او کاري پلان ربعه وار او کلني توحیدي راپورونو جوړول.
25. د اړوند آمر له خوا سپارل شوې قانوني او مسلکي دندې په وخت او مسؤلانه ډول ترسره کول.
