About the Company
د سپین غر مومند پنځوس بستریز معالجوي روغتون (سپین غر پوهنتون (ننګرهار) تدریسي) روغتون پېژندنه:
سپین غر مومند پنځوس بستریز معالجوي او تدريسي روغتون، چې د هېواد په ختیځ کې د سپین غر پوهنتون تدريسي روغتون دی، په ۱۳۸۸ هـ ش کال کې یې فعالیت پیل کړی او تر اوسه یې د معالجوي، تدريسي او تخصصي خدمتونو په وړاندې کولو کې مهم رول ترسره کړی دی.اوسمهال روغتون د عمومي داخله، جراحي، کوچنیانو، نسایي ولادي، انتاني، توبرکلوز، فزیوتراپي، سترګو، غوږ، پوزې او ستوني، جلدي، عقلي او عصبي، ستوماتولوژۍ، زړه ناروغيو تخصصي څانګې او معياري تشخيصيه لابراتوار په ګډون بېلابېلې څانګې لري. دمجربو متخصصینو او مجهزو طبي وسایلو په مرسته د ناروغیو دقیق تشخیص او اغېزمنه درملنه کوي.
یاد روغتون له نږدې پنځلس کلونو راهیسې د ښه شهرت او ولسي باور څښتن دی. د روغتون مشرتابه او کارکوونکي د باکیفیته خدمتونو او د محصلانو لپاره د عملي زده کړو د مناسب چاپېریال برابرولو ته ژمن دي.
